Search Results

Ni: Ryan Mostar An Mother’s Day pigseselebrar taon-taon sa ikaduwang Domingo kan Mayo. Ini nagdadanay na saro sa pinakasibot na aldaw para sa komunikasyon sa bilog na kinaban, na may pigkakarkulong 122 milyones na phone calls na ginigibo taon-taon sa aldaw na iyan sana. An kapiyestahan nagpoon ki Anna Reeves Jarvis, na an aking babae naghingoa na tawan siya nin onra sa paagi nin mas personal asin dayupot na aldaw nin paggirumdom—sarong ideya na sa kahurihurihi nagin modernong selebrasyon. An pinakaenot na opisyal na Mother’s Day pig-obserbar kan 1908. An mga carnation iyo an nagin simbolikong burak kaini: an pula nangangahulugan na buhay pa ang ina, mantang an puti nagtataong onra sa ina na namayapa na.

Tigsik ko ngonian na panahon nin tag-init Igua na nin pansukol kan heat index Lugod igua man para sa anghit index Para mabuking an yokyok na super lupet! Tigsik ko po ining grabeng isnit Isus, isus, talagang nakakabadtrip An turo kan taba hirit na hirit Nag-aalisngaw an kilikili pating singit! Tigsik ko an init kan banggi Tian, harasahas panremate Nakakabadtrip, sus, grabe Bawas pogi points sa pareho mi! Tigsik ko ining Pinoy mentality Grabe talaga an pakaadik sa kape Aga, odto, pati na pagkabanggi Dawa mainiton, an paghigop sige-sige! Tigsik ko si Padi saka Madi Sige an kawkawan dawa mainiton an banggi Sa kudotkudotan na malanit alagad pwerte An nahaman na aki gabos trees! Ining si Mamay Tutay tigsik ko man Sus, grabeng isnit an namatean Nagjuego limpio sa atubangan kan electric fan Siram sana an pakabukangkang!

Tigsik ko ini bagang mga tunay na Kristyano, Na nagtutubod sa Diyos na buhay asin tutuo. Sumamba kita sa Diyos na tunay na ispiritu, Bako gibo sa inukit na gapo, kahoy, semento. Tigsik ko an” impeachment hearing” na ginibo, Natapos na sa kongreso, hahatulan sa senado. Kun bubusision an mga ebidensiyang patutuo, Talagang delikado na an pwesto kan akusado. Tigsik ko ining patrabaho kan Naga-Pili Airport, Nin huli sa problema kan’ earthfill” sa paghakot. Presyo kan kada kubiko haros dai daa maagod, Abala na an patrabaho, deadline dai maaabot. Tigsik ko, ibang opisyal kan lokal na gobyerno, Na nagsasapo nin pagkasuspendi sa serbisyo. Dahil gayod ta may pagsuhay sa ley na naginibo, Kaya kun pirang bulan na mayu sindang sweldo. Tigsik ko ining panahon na grabe talaga an init, Magin marigmat sa mga de kuryenting ginagamit. Ta kun may diperensiys na asin nag- o “overheat,” Tibaad kasulo sa pagrurugaring iyong makakamit.

Ibabale na kan Department of Agriculture an kadiwa sites, LGUs sa pagpabakal kan baratong presyo nin bagas sa irarum, kan Benteng Bigas, Meron Na! Program ni PBBM alagad tutugotan na an mga paratienda nin bagas sa mercado na kaipuhan sanang mag-apply sa Food Terminal Inc. nganing iimplementar na kan DA an ‘‘Rice for All’’. Sa ngunian an pagpabakal sana kan Benteng Bigas ginigibo sa sanga kan National Food Authority sa Palestina, Pili, Camarines Sur sa mga calificadong benepisyaro na dapat iguang darang ID hale sa sektor kan PWDs, senior citizens, 4Ps beneficiaries, paraoma asin iba pa. Sinabi ni Marbin Malabanan, Assistant NFA Branch Manager kan ahencia ginatos nang mga benepisyaro an nagpipirila sa saindang provincial office sa Barangay Palestina, Pili, Camarines Sur alagad sa dai mahahaloy iluluwas na ninda sa mga LGUs, DA Kadiwa sites, asin iba pang outlet na kaipuhan mag-agi ngona sa proceso kan FTI. Nagseguro an NFA Camarines Sur na bastante an saindang stock nin bagas sa saindang mga bodega asin sa iba pang banwaan. Sa ngunian iguang stock na 50,000 na sakong bagas asin 456,350 na sakong paroy mantang kun ipapamolino iguang maabot sa 305,077 sakong bagas. An benteng bigas, meron na!, sarong iniciativo kan govierno na saro sa pinangako ni Presidente Marcos kan siya nagcacampanya sa eleksyon presidential asin yaon sa irarum kan DA an pagpabakal nin decalidad na bagas sa cantidad na P20 cada kilo para sa bulnerableng sektor asin paraoma sa mga NFA asin Kadiwa sites.

Ni Sonny Malate GOA, Camarines Sur --- Pigpahayag ni Cesar Basil S. Camba, pamayo kan Community Environment and Natural Resources Office (CENRO) na pursigido an oficina ninda sa campanya contra sa illegal na pagpalod nin kakahoyan sa 14 banwaan na nasasakopan ninda. Segun ki Camba, an saindang pagmaigot sa trabaho  pinahiwas sa paagi kan pag-edukar sa publico kan tamang pag-ataman kan kapalibotan asin an maraot na epekto kan pag-abuso sa recursos naturales. Katakod kaini, padagos an saindang pagconducir nin  serye nin kaaraman publico tanganing mabago an saindang  pananaw asin virtud dapit sa naturalesa bilang mahalagang regalo gikan sa Kaglalang para masusteniran an buhay sa kinaban sa tahaw kan huma kan global warming. Kasabay kan advocaciang ini iyo an padagos na presencia kan siyam na mga Forest Ranger asin Forest Protection Officer sa mga designadong lugar  tanganing matabgawan an raot na gibo kan mga illegalista. Ini ginigibo sa irarom kan Lawin Patrolling sa hurisdiksyon kan oficina. Sa paagi kan regular na monitoring, nagkakaigua nin pag-aprehendir, pagconfiscar asin pagsangat nin caso sa Corte na dakulang positibong resulta sa pagminimizar kan mayong pakundangan na pag-abuso sa kapalibotan. Pigbanggit ni Camba na consideradong  hot spot sa illegal logging an Tinambac  huli sa locasyon kaini na open access kaya ralagbalasan an illegalista sa Siruma, Lagonoy asin ibang banwa sa Partido Area. Mientrastanto, nagpagiromdom an pamayo na kinakaipohan na magkua nin permiso sa barangay asin oficina ninda an siisay man na mapalod nin kahoy maging sa sadiring laguerta o pagrurogaring ninda. An personahes kan CENRO maevaluar kun puwede nang putolon an kahoy. Ini iyo an mga lapa na o may labot sa poon o mismong hawak na peligrosong  magrampahog asin makadanyar sa buhay o pagrurogaring. Nagpatanid si Camba na an nagbalga posibleng masangatan nin casong qualified theft sa irarom kan Revised Penal Code katakod sa Article 309-310 kan PD 705 o Revised  Forestry Code of the Philippines na may penalidad na pagkaprisong anom hasta sampolong taon. Dagdag man niya na pigcelebrar an World Wetland Day kan Febrero 2. Katakod kaini, nagconducir an CENRO nin information and education campaign  para sa mga estudiantes sa secondaria dapit sa kapalibotan. An wetland iyo an kadagaan na may permanente  o agi-aging tubig na may nag-eexister nin bio-diversity na estado. Ini pailihan kan sira, gamgam asin ibang hayop asin nagtatabang sa pagrayo sa baha. Siring man, nagsasagom kan mga ati pasiring sa dagat.  Nangapodan si Camba para sa bilog na suporta sa pagmaigot ninda sa pagsustenir kan kapalibotan. Pig-admiter niya na kaipo an pagmakulog kan gabos mantang mismong buhay kan tawo an nadadanyaran huli kan kapabayaan asin pag-abuso sa recursos naturales na biyaya kan Kaglalang. Sa presente, apwera sa campanya contra illegal logging, an CENRO actibo man sa libreng pagtitulo nin daga, reforestation project, pagtao nin kahoy na pangtanom, pakikipagtabangan sa mga LGU sa solid waste management, coastal clean up drive asin iba pang katarakod na actividad.

Ni Paulo DS. Papa Dismayado si Punong Barangay Ruben Limbo sa pagkawara kan fondong pigtagama kuta na kan gobierno nasyonal para sa flood control projects sa Kilometer 8 asin Green Valley Subdivision sa Pacol, ciudad nin Naga. Matatandaan, igwa nin pugol an Department of Public Works and Highways (DPWH) nin P230 milyones na fondo para sa pagsikad kan mga nasambit na proyekto sa lugar kan nakaaging taon alagad dae na naipaluwas sa barangay government huli sa isyu sa flood control projects sa nasyon. Segun ki Limbo, nawara na lamang an fondo para sa proyekto ngonian na 2026 susug na man sa pigbareta saiya ninda Alkalde Leni Robredo asin 3rd District Cong. Nelson Legacion. An fondo kinababalehan kan P110 million sa subdibisyon asin P120 million para sa Kilometer 8 kun haen haros kakanon na kan sulong an mga kaharongan sa gilid kan pampang. Dugang pa kan kapitan, magibo na sana an saiyang konseho nin resolusyon, kun kinakaipuhan, sa paglaom na mabawi an budget para sa nasambit na proyekto. Sa presente, igwa nin pighahaman na infra project sa kataid mismo kan barangay hall, Iyo an multi-purpose hall na nagkakantidad pokumas o menos P60 milyones. Paliwanag ni Limbo, an pighahaman na proyekto naisairarom na sa bidding bago pa magputok an nasambit na isyu.

Nakumfiscar kan grupo nin mga awtoridad an mga decalibreng armas asin bala asin magazine sa magkasuhay na operasyon sa Libmanan asin San Fernando, parehong digdi sa Camarines Sur kan Febrero 5, 2026. Sa Libmanan, Camarines Sur sa ginibong operasyon kan Criminal Investigation and Detection (CIDG) sa paagi kan saindang Oplan Paglalansag Omega kaibanan an iba pang grupo nin mga awtoridad sa Barangay Camambugan, sa banwaan na ini, sarong dating security guard an inarestar matapos makumfiscar sa saiya an mga armas na kinababalihan nin calibre 45 pistola, calibre 22 rifle mga bala, mga magazine nin M-16 armalite alagad ini-imbestigaran kan awtoridad kun haen mismo an M-16. Pigbuyagyag ni CIDG Bicol Regional Chief Police Col. Oscar Regala an sinambit na operasyon kasunod kan mga reclamo nin residentes sa barangay, na nagkapera nang veces nagparapaputok kan saiyang armas mientras na nasa influhencia nin agua nin pataranta na natatakot an residentes. Pasalamat an awtoridad sa cooperasyon nin mga residentes nganing madakop an pasaway na dating guardia. Sa San Fernando Municipal Police Station, sinabi ni Acting Chief of Police PCapt Israel Banaag sa saindang operasyon kaibanan an Philippine Army, Police Intelligence Unit kan CSPPO, asin Regional Mobile Force Battalion 5, saindang pig-implementar an search warrant contra sa suspek na nginaran na Michael nganing kumfiscaron an mga de calibreng armas na kinababalihan nin mga badil asin sa sarong lalaki na dai na nginaranan kasunod kan pigserbing mandamiento de aresto kan Regional Intelligence Unit Tracker Team asin kan San Fernando MPS sa sarong caretaker nin omahan sa Zona 7, Lupi kan banwaan nin San Fernando. An mga suspek nag-aatubang na nin caso sa pagbalga kan Acta Republica 10591 o mas midbid sa Comprehensive Firearms and Ammunition Act.

An Department of Education (DepEd) sa Bicol nagpagirumdum liwat sa mga estudiantes na aprubetsaran an Early Registration sa mga malaog sa kindergarten, Grade 1, Grade 7, asin Grade 11 sa gabos na escuelas publica para sa masunod na school year 2026-2027. An amay na nagpalista segun sa opisina ni Regional Director Gilbert Sadsad nagsikad kan Enero 31 asin matapos an registration period sa Febrero 27, 2027. Katuyohan kan ahencia nganing amay madeterminaran an numero nin mga estudiantes na piglalaoman malaog sa masunod na school year nganing maandaman kun kaipuhan an dugang na mga classrooms asin iba pang kagamitan sa mga escuelahan. An DepEd iyo an may pinakalangkaw na prosupuesto sa national budget na nagcacantidad nin P1.05 trillion na dakulang bagay sa pangangaipo sa haros taon-taon nagkukulang an mga classrooms maging kan mga paratukdo. Sa padagos na paglangkaw kan numero nin mga estudiantes sa elementarya asin sa segundarya may mga escuelahan sa public schools nagkukulang an classrooms. Huli kaini, an early registration saro sa aksyon kan DepEd nganing makaandam kun pera an kaipuhan na dugang na classrooms, mga tukawan asin iba pang kaipuhan sa escuelahan kan mga estudiantes asin paratukdo.

Tigsik ko si Eba asin si Adan Bawal na mansanas inupakan Nakamangno sinda burles palan Nakanood magsulot nin ukay-ukay! Tigsik ko an masculadong si Samson Sirip si Delilah mayong kalson Hanep yan ta gusto nang mag-agom Nagkayaskayas, nono' an sipon! Tigsik ko si Romeo en Juliet An mundo sainda super lupet Nagkugosan duman sa may gilid Dagos nang luminaslas nin Gillette! Tigsik ko si Florante at Laura An saindang love story trahedia Sinda iginapos nin cadena Ipinarada sa kalabaan kan Edsa! Tigsik ko si Padi saka Madi Paboritong dulce, pili asin sili Pili, pwerte, sili panremate An tsikiting ninda gabos, trese! Si Tatay saka Nanay tigsik ko man Sa kada banggi sigeng hulnakan Aw ta an duwa biniyayaan  Nonoon, lugaon na kaakian!

Ni: Ryan Mostar An Valentine’s Day pinangaran ki San Valentin, sarong padi na nagkakasal nin sekreto sa mga mag-kasintahan sa Rome huli ta ipinagbawal an pagpapakasal kadto kan Emperador. Kan Pebrero 14, 2005, nangyari an sabayang pagpasabog bomba sa Makati, Davao, asin General Santos City, na nagkaigwa nin 9 na nagadan asin sobra 100 na irido. An grupong Abu Sayyaf an nag-ako kaini, saro sa pinakamalubha na Valentine’s Day na atake sa Pilipinas. An ILOVEYOU virus, ginibo ni Onel de Guzman, kan AMA Computer College, kan taon 2000. Ini nagbura nin files, nagkua nin passwords, asin nagkalat sa kadaklan, na nagdara nin bilyon na damage sa buong mundo.

Tigsik ko an kadaklan na mga kahimanwa, Sa paggibo nin kasalan magbarakli na kita. Ta kun bawion na an sinublian na buhay ta, Kun dai, an kalag ta mapaimpyerno talaga. Tigsik ko kun malipot baga ining panahon, Pwertehon sa mag-irilusyon, mag-aragom. Orog kun an mirindala suman na managon, O kalamay na nakakalumay na mapuluton. Tigsik ko an sitwasyon sa ibang komunidad, Mga kahimanwa ta dapat magin marigmat. Mararaot na elemento kan satong sosyodad, Sa mga panghahabon, nagbwerelta na liwat. Tigsik ko ining isyu sa daga na pang-aanab, Mga kahimanwa na apektado nagkakaurag. Asin ta tarakot, dai nakakaboses nanggad, An mga nanunungdan biyong nagkaurukag. Tigsik ko kun an bulan na Pebrero minaabot, Sa Aldaw nin mga Puso may nagkakasiribot . Sa namutan may burak tanda nin pagkamuot, Romdomon, an Diyos an namuot sato na enot.

By Rhaydz B. Barcia LEGAZPI CITY --- A Chinese national who owns commercial establishments in Legazpi City, namely, Yashano Mall and Hong Enterprises, was arrested on Monday, February 2, for alleged fraud, falsification of public documents, and violations of Philippine immigration laws. Police Lt. Col. Maria Luisa Calubaquib, spokesperson of the Police Regional Office 5 (PRO-5), said the suspect, identified only by his alias “Jong,” was apprehended by joint operatives of the Bureau of Immigration (BI), National Intelligence Coordinating Agency Region 5 (NICA-5), Armed Forces of the Philippines (AFP), Regional Intelligence Division, and the Legazpi City Police Station. The arrest was carried out along Terminal Road 1, beside Yashano Mall in Barangay 37-Bitano, Legazpi City, following the issuance of a Mission Order for multiple alleged violations, including possession of fraudulent documents and illegal claims to Philippine citizenship. Calubaquib said records show that the Chinese national has been residing in Legazpi City for about 24 years. He reportedly entered the Philippines in August 2002 under a Special Investor’s Resident Visa (SIRV) and was later granted a Special Resident Retiree’s Visa (SRRV) in 2009. “Investigations revealed that he falsely obtained a Philippine driver’s license by claiming Filipino nationality and used an invalid Tax Identification Number in registering a company with the Securities and Exchange Commission,” Calubaquib said. She added that these acts allegedly constitute violations of the Philippine Immigration Act of 1940, as amended, and the Revised Penal Code provisions on falsification of public documents. Under Operations Order No. SBM-2014-048, Section 3, authorities classified the suspect as an undesirable alien for allegedly posing risks to public interest, national security, public order, and public policy. Police Brig. Gen. Erosito N. Miranda, acting regional director of PRO-5, said the arrest forms part of the government’s intensified campaign against illegal residency and document fraud. “The Police Regional Office will continue to work closely with partner agencies to combat illegal residency and fraudulent document schemes. This operation reinforces our commitment to protecting national security and upholding the integrity of public documents,” Miranda said. He added that the police will sustain coordination with concerned agencies to ensure swift and transparent enforcement of immigration and related laws, in line with the PNP’s service thrust.