Tigsik

Tigsik ko an buhay ta sa ibabaw nin kinaban,

Na ipinasubli sana satuya kan Kagurangnan.

Dai kitang maginibo kun bawion an sinublian.

Kaya magbago na bago pa kita magkagaradan.

Tigsik ko an iba sa maswerting mga parasira,

Na nakaresebi nin libring sakayan o bangka,

Tangani na makadakol nin dakop na mga sira,

Orog kun an saindang mga palakaya harababa .

Tigsik ko pa ining kapalpakan talagang grabe,

An pasakit pagkua kaining Phil. National I D.

Sakripisyo kan mga namamanwaan labi-labi,

Orog an hali sa hararayong lugar na aplikante.

Tigsik ko man an ibang pabayang magurang ,

Na sa pagdisiplina sa mga aki hinuhugakan.

Kaya napaparaot an futuro kan mga kaakian,

Nagigin adik sa bisyo asin iba pang kararatan.

Tigsik ko kun gustong mapagmata nin amay,

Matuod na sa yamutam asin anggot ni nanay.

Daog pa an turaok nin manok, relos na tunay .

Alagad an yamyam na iyan tabang na marhay .