Tigsik

Tigsik ko an buhay ta tangani pirmi maogma,

Dai pagparaisipon an satong mga problema.

Pabayaan an problema na iyo mamroblema,

Isarig sana sa Diyos an gabos na kahaditan ta.

Tigsik ko kun habo nindong mapaimpiyerno,

Magtubod kamo sa aki nin Diyos na si Krsto.

Siya an nagtabos sa mga kalag ta sa Dyablo

Tangani mamuhay sagkod pa man sa Paraiso,

Tigsik ko an ibang mga opisyal nin gobyerno,

Na namuhay nin abunda sa kwarta kan tawo,

Saro-saro nang rinaramalan an mga kurapto

Paniningil kan Diyos sa inda nang natatamo.

Tigsik ko ining impeachment sa ki president,

Sabi kan tugang niya, saro sanang teleserye.

Haloy na daa iyan na nabenta sa mga kalye,

Digdi sana sa Pinas an tugang na siring kaini.

Tigsik ko na an mamundo sa ibang mag-aragom,

Na dawa pira pa an sa indang iorogbon o arakion.

May panahon na duwa na sana sinda sa harong,

Mga aki, makoapo hihidawon na ta mapungawon.