SA COMELEC NAGA: Satellite registration ginigibo cada semana

Sa tahaw kan matamlay na voters’ registration sa opisina kan Commission on Election (Comelec) sa Ciudad nin Naga nagluwas na sinda sa mga barangay cada semana nganing magconducir nin satellite registration.

Si Atty. Maico Julia, Election Officer sa Naga nagpahayag sa Bicol Mail na duwang barangay cada semana an saindang satellite registration sa coordinasyon sa opisyales de barangay.

Halaba an nagpipirila sa mga barangay na saindang pigbibisita na dakulang tabang nganing dai na sinda maabala na magastos pa sa flete.

Kun sa opisina kan Comelec naheheling kan publico na kulang an nagpaparehistro kaya ngani nagdesisyon si Julia na magbaba na sinda sa mga barangay duwang veces cada semana.

Sa ngunian nasa 700 na registrants an nagpalista bilang mga botante kan ciudad sa target ninda na 15 mil an makarehistro sundo sa dateline sa Mayo 18, 2025

Pasalamat si Julia sa tabang kan opisyales de barangay nganing hatakon an mga mapalista sa satellite registration.

An pagpadagos kan voters’ registration nagpoon kan Oktubre 20, 2025 sundo sa Mayo 18, 2025.

Comelec satellite registration sa Barangay Calauag, Ciudad nin Naga dakul an nagpapalista sa tabang ni Punong Barangay Corazon Penaflor. (Malko Penaflor)