ROBIN en BATMAN

Igua nang bagong Robin en Batman

Sinda pati parehong Congressman

Sa rich family pareho guminikan

Wow, sa socmed, meow, meow, meow, aw, aw, aw!

Siempre, iba-iba an dating sa tawo

Si meow, meow, meow bagong Rizal kuno

Mantang si aw, aw, aw saro daang genio

Pero an sabi, sinda siraulo!

Ngawngaw sa socmed dae nauumay

Haros gabos na isyu nakikisawsaw

Kulang sa pansin, nagpapasikat lang?

Dagdag pogi points kun sa Senado maglaban!

Si meow, meow, meow wala, too an rapado

Mala ta sa Congreso suspendido

Tinira pa si Razon, ultra bilyonario

Si meow, meow, meow sinampaling nin caso!

Si aw, aw, aw, nakalkal an negocio

Aray mo, multa bilyones na gayo!

Dagdag pa Cabral na documento

Dios mo, dakulang kulog nin payo!

Ngonian, an exciting part abangan

Saen pupuroton si Robin en Batman?

Bako daw duman sa may kangkongan?

Duwang nepo babies mabukangkang!