Mga Engineering District kan DPWH hahalean fondo sa nat’l road - Dizon

Gabos na mga Engineering District kan Department of Public Works and Highways (DPWH) iguang fondo para sa highways o sa tinampo alagad pupugolon na kan saindang central office.

Si DPWH Secretary Vivencio ‘‘Vince’’ Dizon nagpahayag na bako sanang Maharlika Highway asin Andaya Highway an tatawan prayoridad sa rehabilitasyon envez poon sa North o Luzon, Visayas hasta sa Mindanao na mga national road an saindang central office iyo na an maimplementar kan proyekto.

Ini iyo an mawot ni Presidente Ferdinand Marcos Jr. nganing deretso na implementasyon kan proyekto sa Luzon, Visayas asin Mindanao, sabi pa ni Dizon.

An pamayo kan ahencia sa paagi kan saiyang ‘‘road trip’’ nag-inspeksyon sa Maharlika Highway hale sa provincia kan Quezon sagcod sa Andaya Highway sa Camarines Sur asin nagpasiring pa sa Albay iba pang provincia sa Bicol hasta sa Samar.

An DPWH nagpaluwas nin memorandum na nag-iimbitar sa siisay man na namamanuan asin nasa civil society organization na maging envuelto sa pag-monitor kan mga proyekto sa infrastraktura bako sana sa flood control.

An isyu sa mga anomaliya sa flood control projects nadiscobre sa Bulacan maging sa iba pang provincia mala ngani naimbuelto an nagkaperang politico asin opisyal kan ahencia.

Sinabi pa kan opisyal sa paagi kan Citizen Participatory Audit an saiyang memorandum sa gabos na Filipino iguang deretso na magkua nin mga impormasyon o official records asin iba pang documentos publico sa transaksyon sa gobierno.

An lakdang na ini parte kan programa kan administrasyon Marcos na maseguro na mayong mga substandard projects maging isyu sa ghost project.