Ihapot Ki Attorney

Atty. Paolo Tolentino

Gender-based sexual harassment

Atty., nag-report po ako sa HR saka sa supervisor tungkol sa gender-based sexual harassment na naranasan ko hale sa sarong co-worker, pero dae ninda ini inimbestigahan o inaksyunan. Ano po ang pananagutan kan employer sa arog kaning sitwasyon? Please hide my identity. Thank you po.

---

Ang gender-based sexual harassment ay tigkokonsidera na sarong krimen. Ang employer may obligasyon sa irarom kang R.A. No. 11313 o Safe Spaces Act na mag implementar ning mga paagi para maiwasan ang gender-based sexual harassment sa trabaho. Kaiba igdi ang pag-gibo ning committee o proseso sa trabaho manungod sa pag-imbistiga saka pag-desisyon sa mga reklamo sa krimen na ini.

Dahil igdi, ang saimong employer na dae sinunod ang batas sa paagi kang dae pag-imbistiga saka dae paghiro sa reklamo mo ay pwdeng pa-multahon sa halagang P10,000 hanggang P15,000 base sa R.A. No. 11313. Pwede pa ini makonsiderar na violation kang Occupational Safety and Health standards na iniimplementar kang DOLE sa saindang inspections. Nagkaigwa man desisyon ang Supreme Court na sinasabing liable ang employer sa reklamong “constructive dismissal” kang empleyado na biktima kang sexual harassment sa trabaho na dae inaksyunan tulos kang employer ang reklamo. Pang huri, sa paagi kang sarong civil case, posibleng maging liable ang employer kaiba kang nang-biktima saimo sa danyos na sinapo mo.

Kung may mga kahaputan, mag email sa ihapotkiattorney@gmail.com.