Aramon Ta

Ni: Ryan Mostar

1. An Plaza Quezon ipinangaran ki Presidente Manuel L. Quezon, an ikaduwang presidente kan Republika kan Pilipinas. Orihinalmente inapod ini na Quezon Square hasta 1971, kan pinagtibay nin sarong ordinansa na gibuhon Plaza Quezon an opisyal na ngaran kani.

   
   

2. Kan 2025, igwa nin duwang proposed ordinances na baguhon an ngaran kan Plaza Quezon. An enot, “Plaza Quezon de Naga,” para mapakusog an lokal na identidad; asin an ikaduwa, “Plaza Arejola,” bilang pag giromdom ki Don Tomas Arejola, sarong prominente na Nagueño na propagandista asin reformista.

   
   

3. An Ciudad nin Naga nakakua nin ₱190 milyon na pondo hale sa nasyonal na gobierno para sa konstruksyon asin rehabilitasyon kan Plaza Quezon, na pinaluwas sa paagi kan opisina ni Senator Ronald “Bato” dela Rosa. An pagtrabaho sa rehabilitasyon naantala nin pirang bulan dahil sa pagbaha asin iba pang epekto kan Bagyong Kristine.